河边有只象

近况
June 9th 2008

实习结束后 闭关写咗两个星期research paper
呢个浩大工程完毕之后 一直喺度休养
期间 聚过两次会 行咗一下街 情感上发生了一D小波折
除佢哋之外 一切如常~

高涨的爱国热情
May 10th 2008

《INTERNSHIP》专题

琴晚一度因为怕自己英文太差喺人哋餐厅赶客 同男朋友扭计唔想去返工
不过...都到咗呢个地步 有咩嘢恐惧都要顶硬上嘎喇
好在今日冇遇到任何刁钻嘅客人 佢哋全部都好nice 仲有好多自己本身英文都唔好 哈哈哈
都冇遇到D好复杂好难解释嘅嘅情况
虽然係挂翻译牌 不过经理都叫我帮手收碗碟...
呢样嘢有D难接受 觉得係下人嘅工作
从来都係我睇住D服务员收走台面上嘅嘢 今日嚟个角色转换 算体验生活喇
嗰度唔方便带相机影相 所以我偷偷哋摞咗套制服翻宿舍 呵呵 

心情
April 19th 2008

唔记得第几日放工之后内心upset嘅情绪扩大到我要将佢讲出嚟寻求发泄
相比起喺大堂负责接待同咨询嘅同学
相比起喺广交会会场入面同各种鬼佬打交道嘅同学
我呢份又攰又唔体面嘅兼职输得实在太多......
锻炼口语嘅机会 接触新事物嘅机会 遇到趣事嘅机会
日日被迫将80%嘅精力耗费喺哈腰卖笑上面
接触得最多嘅係最普通嘅服务员
当然佢哋都有值得学习嘅地方 不过想喺佢哋身上学更多嘢就难了
可能值得开心嘅係 我发现自己吹水又有进步了 同总管 经理 相处得还好
但同时又害怕自己变得太在行 变得太世俗 毕竟我係大学生
唔知点解数嚟数去都係D唔好嘅嘢......
呢家讲支撑我挨落去嘅嘢...人工
同埋
人人都话大学生唔挨得
父母都话我唔食得苦
咁我就证明吓俾自己睇喇

礼貌
April 20th 2008

我觉得自己唔算係崇洋媚外嘅人
不过好自然地 当我见到外国客人时 就会笑脸相迎
见到中国客人时 就会不自觉收起笑容
其实 我冇谂住要从鬼佬身上获得D咩嘢...
可能呢个差别係因为中国人块面太臭...
如果同鬼佬打招呼 基本上90%嘅人都会好热情咁回应你
唔理佢係出自真心定係碍于礼貌 反正令人觉得好舒服
中国人就唔同 对眼好似生喺头壳顶咁 以为有几个臭钱就声大大 一唔係就当人透明
有个师奶 望住外国友人嗰时笑到挤晒D鱼尾纹出嚟
一望过嚟我度 就即刻板起块面 虽然我嗰时满面笑容
睇唔出佢衣着光鲜 仲有些少贵妇气质 竟然会淋我成身冷水
真係好笑 难道对一个服务员微笑就有损你身份？
不过讲句公道说话 并唔係个个同胞都咁低素质
好多受过教育嘅年轻人仲係表现得好好嘅
以后我都会将心比心 无论贫富贵贱都要对佢哋好有礼貌

外国人
April 20th 2008

广交会第一期喺琴日结束 好多房客都执拾行装打道回府
喺呢五日入面遇到形形色色嘅外国人
因为我又要返早班 又要返夜班 同佢哋朝见口晚见面自然都认得吓喇
以下几个係印象比较深刻嘅：

一字眉埃及人
有日早上我帮佢揾人 不过喺餐厅嘅电脑度查唔到 要佢自己落去大堂查
当日晚上 我又见到佢 突然醒起早上嘅事 就顺口问佢揾到朋友未 佢话仲未揾到
第二日朝早 喺自助餐厅到 佢突然问起我一日要工作几长时间
我好愕然 不过都係老实答咗佢
佢听完恍然大悟 "哦 原来你两班之间有得休息 我以为你要由朝忙到晚"
然后又问我几岁 我答22 佢唔信
然后解释话 佢晚黑谂起我觉得好担心
"吓？你担心我？" 我忍唔住冲口而出 佢一味点头 我一味解释翻我工作嘅内容 消除佢嘅担心担心同误会
可能佢以为我未成年就要出嚟超时工作
不过随后就觉得好感动
大概就係我之前嗰句无心嘅说话令佢留下印象
关心喺相互传递并可以无限延续嘅......

中东孖宝
呢两位客人生得好似样 可能係亲兄弟
今日喺佢哋留喺广州嘅最后一日 临走前喺餐厅楼梯到撞到我 我同佢哋讲byebye
佢哋话 下年再见 我问佢哋係咪要回国 佢哋话要去北京 我祝佢哋旅途愉快
佢哋微笑住讲多谢 然后净係微笑 定定地望住我双眼
嗰个moment 我觉得 我哋唔係用金钱交易服务嘅合同双方 我哋係朋友
多谢佢哋真诚嘅眼神

毕恭毕敬日本人
喺我第一次为呢位客人递上热水嘅时候 佢连声多谢同时伸出右手要同我握手 我唔知咩回事咁伸出手
握紧嗰一刹 我发现原来入面收住一D嘢
接过嚟先知 原来係张对折咗3次嘅20文人民币
我谂小费唔係立乱俾嘅 多谢你对我工作嘅肯定

黑蒙蒙四人组
佢哋日日食自助餐嗰时都会叫我过去酙茶 （话明自助餐 茶哽係自己酙嘎喇 不过都係有D零泄多要求嘅）
次次行到过去 四人组组长都会用佢闪令令嘅眼睛望实我
讲几句英文之后就会讲一串自己D乡下话 有时仲会唱吓歌
我问佢讲咩 佢唔理我 一于自己有自己讲 另外三个组员有时跟住笑吓 有时就由佢solo

咸湿阿星
嗰日我企喺水吧外面 佢经过问我有冇地方做massage 中意呢味嘢嘅九成都唔係正人君子嘎喇
我话冇 佢就走咗 过咗一段时间 又返翻转头 坐喺水吧嘅梳发上面 叫咗一杯水
双眼一路注视住一个方向
大概半个钟之后 我同事同我讲 睇佢个样想走单嚄
点知真係俾佢讲中咗 佢单手撑住凳piang一阵之后就起身走人 我追上去话佢知未埋单
佢唔好意思咁话唔知水都要收钱
喺等埋单期间 我聊佢讲嘢 等佢冇咁闷 同冇机会走
佢讲咗几句之后话 You should be careful because you will make the guests misbehave
反应过嚟之后顿感毛骨悚然 礼貌地多谢佢提醒之后即刻闪人

仲有称呼我my friend嘅中年黑人、好似明星嘅韩国男人、有D怕丑嘅中韩双语小姐、讲一口流利粤语嘅正宗阿星......

藏独与奥运
April 8th 2008

铁塔下的红旗---北京奥运圣火在巴黎遭抗议抵制
http://www.foxer.com.cn/beijing2008/

西藏究竟发生咩事？
西方媒体西方人民究竟发生咩事？係你哋丑恶 定係我哋闭塞
我哋政府政府究竟发生咩事？点解事态一再恶化.....

西藏独立？台湾独立？XINJIANG独立？

......

转载：

       西方国家这次为什么会如次的团结？欧洲的德国、法国，一般是不会冒着这样的风险得罪中国这个经济大国的。伊拉克战争时德国和法国都和中国站在一边，不支持美国对伊动武。为伊拉克而得罪美国，不符合他们的国家利益啊。法国10年前为了不得罪中国，终止了对台军售，损失了几十亿的收入。而为什么今天会冒着这么大的风险公然与中国为敌？难到就是为了和自己根本不相干的西藏和奥运？
       而另一个值得让人思考的问题是，一向是西方老大的美国，为什么这一次这么低调？让英、法、德在前台唱主角？对于西藏，西方国家很清楚，再怎么闹，中国也不可能做出让步。对于奥运，他们也很清楚，就算西方国家没有一个领导人出席北京奥运会，中国也就是面子上过不去罢了，对中国有实质影响吗？没有。
       所以，西藏只是一个幌子，奥运也只是一个幌子。那么他们到底想从中国得到什么？
       西方国家正面临着10年来经济陷入衰退的危险，他们需要有一个有实力的国家为这次西方经济的衰退买单。不言而喻，他们不约而同的想到了中国。 做为一个普通老百姓，我对国际经济没有什么研究，但2008年一开始我还是隐约到中国经济面临的危险，现在也就想起了温总理说过的一句话：2008年也许是中国经济最困难的一年。现在想起正在进行的这场闹剧，真的有点让人毛骨耸然了。美国不是低调，是很冷静，他们早已经不露声色的出招了：
       1、美元贬值。因为美元贬值，人民币升值，中国16000亿美元的外汇储备已经人间蒸发了3000亿美元，而且还在继续蒸发中。更要命的是，由于人民币升值，中国出口产品成本增加，沉重的打击中国的出口，许多企业面临倒闭的危险。因为中国企业的倒闭，西方国家生产企业就可以开始生产复苏。
       2、通过高油价以拖跨中国经济。中国经济的高速发展需要大量的进品原油，而西方国家则不断的提高石油储备，造成高油价一直持续，以增加中国经济建设的成本。这就是美国为什么要打伊拉克、打伊朗的原因：控制石油就是控制了经济命脉。
       3、足涨中国金融泡沫。人民币升值，大量热钱自然要涌入中国，造成中国高成本、高币值的经济泡沫。或许这就是为什么政府就算是背着千夫所指都绝不救市的原因，就是为了打击国际投机资本在中国的恶意圈钱行为，而另一方面却不得不面对成千上万痛不欲生的股民的唾骂而有可能造成国内社会动荡的危险。现在看了，什么西藏事件、抵制奥运都是不足为道的事。
       所以，“西藏”和“奥运”只是西方国家绑架的两个“人质”，他们真正的目的不是西藏，也不是奥运，而是以此为要挟，要中国为他们的经济衰退买单。不买单：搞乱你，要死大家一起死。买单：坐下来谈，你答应我我就息事宁人！   
       中国政府的冷静是对的，死死抓住经济建设这个中心不动摇才是关键。经济如果一跨，那就什么都跨了。 国民要冷静，要相互理解，不要给政府出难题。还是那句话：发展才是硬道理，压倒一的是稳定。一个普通的中国人都能预料到，我相信政府能从容应对。我们要支持政府打赢这场表面上看起来是舆论战，而事实上是经济的战争！

动静界
April 6th 2008

参加咗ADIDAS搞嘅一个跳舞活动 名叫GAME PARTY
中文名如题目所示
具体要做嘅嘢就係跟住台上D教练跳吓舞 打吓拳
送一件ADI T-shirt 外加廿文补贴
如果单单係以上几样嘢 哽係唔会吸引到我嚟 呵呵呵
本人终极目的其实係想参观新落成嘅Westin酒店
不过令人失望嘅係 虽然佢外表气派 不过内里装修实在普通
久别屏幕 近来又有翻影相嘅欲望 哈哈 去片~

活动开始前 遇到可爱嘅奥运吉祥物 即刻捉实佢哋影相留念

睇吓佢几听话 企定定俾我影......

原先我以为自己透下 透一下 一下唔得就再长D.....
就会有一日 自己更新space嘅热情会回复到好似以前咁汹涌澎湃
但是我错咗
估唔到 我嘅不应期咁长 长到好似望唔到终点......

喺之前嘅日志度 我第一次咁大胆将自己对阿妈嘅积怨爆发出嚟
虽然话space係个好私人嘅地方 但呢个私人地方边个都可以随便出出入入嘅
所以发日志嘅时候都担心过会唔会俾D廿四孝嘅人批判到体无完肤
果然发完即刻有人走嚟话我 当时好唔耐烦咁顶翻转头
因为我觉得唔知头唔知路 一味坚持D大而空洞嘅传统价值观
用自己嘅个人经验强加于人哋嘅生活之上 实在太自以为是
但是 係呢D声音迫使我去进一步思考 我同妈咪之间嘅问题

发完日志嘅嗰个周五 我返到屋企 发现妈咪变得好温柔
唔係愿望嘅力量 而係医生话佢血压偏高要少D发脾气

周六起身 我煮早餐俾佢食 然后煮午饭 晚饭由爸爸接手
周日一齐返旧屋打扫 冇谂到同佢一齐打扫会咁开心
晚黑临返宿舍嘅时候 佢叫我锡佢块面
一路以嚟我都觉得咁做好呕心 但惟独係呢次冇嗰种感觉......
而且我竟然有少少唔舍得......

好希望可以永远融洽温馨 永远都唔再改变......

上个周末继续尽我所能 小心翼翼保护呢种脆弱关系
因为脆弱 所以少少碰触都可以将佢毁坏
语气上嘅些微变化 都足以勾起我对过往不愉快嘅无限回忆
喺电梯入面 我又肆黑埋面唔同佢讲嘢
佢发觉唔妥之后 试图用D好蠢嘅方法聊我 点知我掘翻佢
佢问我做咩要用D咁嘅眼神望佢
我讲唔出原因  因为已经唔係好记得 因为个原因无谓到我都唔明自己D情绪点会咁怪
入屋之后 佢继续追问 我唔理佢 佢嘅愤怒开始逐点升高 但是努力克制住
面容激动 同时夹杂住不解和失望
我趁爸爸喺度打完场嘅时候好快咁行入房
过咗一段时间 听到佢哋喺出面有讲有笑
我知道佢度气已经消咗 自己嘅神经亦都一下子松晒......
如果係以前 我哋可能要针锋相对几日先会各自平息怒气

之前嗰篇日志 睇完有人摇头 有人呕泡 亦都有人理解
好多谢周玥彤同echo 係你哋嘅说话令我可以好心平气和地试住重新认识我妈妈

今个星期 时不时就会谂到佢
从过往嘅画面 忽略嘅细节 一个新嘅角度
我渐渐地发现 呢个令我又恨又怕又要叫做妈咪嘅女人 有时都几可怜
如果唔係咁唔係咁 或者佢就唔需要以暴戾作出笨拙嘅反抗......
我唔係惟一嘅受害者 亦都唔仅仅係个受害者